بناء موقع على الانترنت … البداية

السلام عليكم ورحمة الله وبركاته

الكل اكيد نفسه يكون عنده موقعه الخاص سواء كان موقع لمعلمات خاصه او موقع جماعي ترفيهي مثل منتديات رعشة الان او اي منتدى اخر

الموقع لابد ان يكون على شبكة الانترنت …
كيف ابني موقعي على شبكة الانترنت ؟
اولا اقول لك لابد من توفر معلومات تفيدك في كل شي تريده عن الموقع او عن بناء الموقع …

الدومين :
الدومين هو رابط الموقع مثل ( http://www.r3shah.com ) هذا يعتبر الدومين …
المساحة :
المساحه هي جزء من سيرفر متصل بشبكة الانترنت …
السيرفر :
جهاز كمبيتر عالي المواصفات …..

الكثير الحين يبي يسئل طيب كيف نبداء

طيب ….
نتكلم عن كل شي بالتفصيل باذن الله

الدومين او الرابط :

الدومين بكل سهوله حجزه ولكن عليك اختيار الاسم له

مثلا انا اخترت r3shah قمت اولا بالبحث هل هذا الدومين موجود ومتاح لي حجزه او لا ….

عليك زيارة هذي الصفحة وكتابت الاسم مع اختيار امتداد الدومين مثلا com او net و org

http://www.r3shah.com/whois/

اكتب في المستطيل الاسم الي اخترته بيكون مكون من حروف وارقام انجليزية
اضغط على زر بحث
قيد الإستعمال حاليا XXXXXXXXX.com نأسف لإزعاجكم هذا النطاق

اذا طلعت لك الرساله ذي معناه الدومين محجوز ولا تقدر تستخدمه علم ان XXXXXXXXX هو الدومين الي اخترته

متوفر حاليا للحجز XXXXXXXXXX.com تهانينا ! اسم النطاق

اذا طلعت لك الرساله ذي الف مبروك تقدر تستخدمه وتحجزه

كيف احجز الدومين بعد ما يكون متاح لي

كثير شركات تقدر تحجز منها الدومين منها العربيه والغربيه

اذا معاك بطاقة فيزا وقتها تسهل عليك الكثير من الوقت وتوجه الى اي شركه وابحث عن طريقة الحجز فيها واشترك معهم

واذا مافيه معاك بطاقة فيزا لا تقلق فيه شركه عربيه جيده تقدر تحجز منها سواء بالفيزا او الكاش يو او الماستر كارد او حتى التحويل

موقع التسجيل العربي

راح نشرحها بعدين بدرس مستقل باذن الله التتسجيل في الموقع وحجز الدومين

والي مستعجل يقدر يراسلني واحجز له على الموقع وبحساب خاص فيه باذن الله
سجل معنا بالمنتدى وارسل لي رسالة خاصه راح ارد عليك باذن الله

بعد حجزنا للدومين هناك شي واحد لابد نعرفه

الي هو (دي ان اس : DNS)

ماراح نتكلم كثير عنه لكن نبذه بسيطه وبعدين في شرح التسجيل نعرف فائدته تمام ….
الدي ان اس راح احط لكم مثال ن الواقع لتفهمونه اكثر
الابرة والخيط
الابره بدون ما تحط الخيط فيها مالها اي فائده << لاحد يقولي ننقش فيها :S انا اتكلم عن الخياطة بالمثال

الدي ان اس يعتبر الخيط للمساحة

هي الرابط الي يوصل المساحة بالدومين وهي شي اساسي جدا جدا جدا

الان نرجع على حجز المساحه ….
الموقع لابد يكون له مساحه ايضا تحط فيها ملفاتك م صور وملفات فديو او اناشيد او اي شي تبغاه يطلع على صفحات الانترنت

مثلا قبل حجزنا دومين وهذا الرابط

http://www.website.com

websiet هو عنوان الموقع (رابط موقعك )…
لحجز المساحه لابد ان تستاجر مساحه من شركه معروفه ولها قيمتها مو حي الله ابو ريالين وي شهر يطير تعبك كله وصدقني الرخيص بخيس ولا ينفعك ابدا

مثلا عندنا شركة ترايد نت او ابعاد المعلومات او توب لاين او او او ياكثرها

تعتبر مواقع كبيره لها سيرفراتها الخاصه

مثل ماقلنا السيرفر جهاز ولكن يكون في مكان خاص فيه وحله جميع الخدمات الي توزع عليه

ويجد دااااائما في مقر اسمه (داتا سنتر data center) الداتا سنتر شركه فيه غرف خاصه للاجهزه واتصالها بالانترنت

من اشهرها سوفت لاير طبع غاليه السيرفرات

نرجع للمضوع وهو حجز المساحه مثلا من ترايد نت

او من الشركه الي انا اخذت منها وهي ابراج المعالي
يطلب منها بينات بسيطه مثل  اسم الدومين واحيان رقم جوالك وبريدك الالكتروني

وبعد تحويل المبلغ له يرسل لك معلومات مهمه جدا جدا جدا

وافضل شي لها تحفظ خارج الجهاز في ورقه او في فلاش ميوري

وهي كالتالي تقريبا

user : XXXXXXX
pass :XXXXXXX
cpanel

http://www.website.com:2082

او

http://www.website.com/cpanel

ومعاها بعد في نفس البينات

ns1.XXXXXXXXX.com
ns2XXXXXXXXX.com

او
dns1.XXXXXXXXXXXX.com
dns2.XXXXXXXXXXXX.com

ويختلف من شركة لشركه طريقة وضع الدي ان اس لهم

مالك بالطويله انت لكن راح يجيك قدامها DNS

الا تاخذ الدي ان اس وتحطه بالاعدادات وراح نشرحها برضه في درس حجز المساحه والدومين

الان انتهينا تقريبا من بعض الاشياء الي لابد تكون عندك

ولكن الاهم من هذا كله تعرف بعض النقاط …..
يفضل رابط الموقع يكون سهل للمستخدم
شركة الاسضافة تقدر تحجز لك الدومين وترسل لك بيناته لابد تاخذ البينات وتحفظها عندك لو حصل اي شي لا سمح الله من نصب عليك مثلا
شركة الاستضافه لابد يكون عندها سيرفر محتروم وراح نشرحه قريب باذن الله
بينات موقعك لا يعرفها احد غيرك انت لو طلبها منك المستضيف لا تعطيه ابدا ابدا ابدا

ولنا عوده باذن الله